വാക്യങ്ങൾ
പൂർണ്ണമായ ആശയം നൽകുന്ന പദസമൂഹമാണ് വാക്യം
വാക്യങ്ങളെ നാലായി തരം തിരിക്കാം..
1- നിർദ്ദേശക വാക്യം
2- നിയോജകവാക്യം / ആഭിലാഷിക വാക്യം
3- അനുയോഗിക വാക്യം
4- വ്യാക്ഷേപേകവാക്യം
1- നിർദ്ദേശക വാക്യം
കേവലം ഒരു പ്രസ്താവനയുടെ രൂപത്തിൽ വരുന്ന വാക്യം.
ഉദാ - ഇന്ത്യ എന്റെ രാജ്യമാണ്
കേരളീയരുടെ മാതൃഭാഷ മലയാളമാണ്.
2- നിയോജകവാക്യം /ആഭിലാഷിക വാക്യം
ആജ്ഞ, ആശംസ, അപേക്ഷ, പ്രാർത്ഥന, എന്നിവ പ്രകടമാക്കുന്ന വാക്യം
ഉദാ - നിങ്ങൾക്ക് പോകാം, അവൻ പഠിക്കട്ടെ,വിദ്യാര്ഥികൾ തമ്മില് കലഹിക്കരുത്.
3- അനുയോഗിക വാക്യം
ചോദ്യ രൂപത്തിലുള്ള വാക്യം
ഉദാ. നിങ്ങൾ എവിടെ പോകുന്നു?
നീ പഠിച്ച് കഴിഞ്ഞോ?
എന്താ വിഷമിച്ചിരിക്കുന്നത്?
4- വ്യാക്ഷേപക വാക്യം
വക്താവിന്റെ വികാരങ്ങളെ പ്രകടമാക്കുന്ന വാക്യം
ഉദാ - ഹായ് എത്ര മനോഹരമായ പൂവ്
അയ്യോ എന്നെ തല്ലുന്നെ
🔰 വാക്യങ്ങളുടെ രൂപം അനുസരിച്ച് രണ്ടായി തരം തിരിക്കാം
1-അംഗിവാക്യം - സ്വതന്ത്രമായി നിൽക്കുന്ന പ്രധാന വാക്യമാണ് അംഗിവാക്യം
ഉദാ. അമ്മു സ്കൂളിൽ പോയി, അധ്യാപകൻ പുസ്തകം നൽകി
2-അംഗവാക്യം
അംഗിവാക്യത്തെ ആശ്രയിച്ച് നില്ക്കുന്ന അപ്രധാന വാക്യം അംഗവാക്യം. അംഗവാക്യത്തെ അപൂർണ്ണ ക്രിയകൾ എന്ന് വിളിക്കുന്നു
ഉദാ. മാവിന്കൊമ്പിലിരുന്ന് കുയില് പാടി.
മാവിന് കൊമ്പിലിരുന്ന് (അംഗവാക്യം)
കുയില് പാടി (അംഗിവാക്യം)
ആശയ സ്വഭാവം അനുസരിച്ച് വാക്യങ്ങളെ മൂന്നായി തിരിക്കാം.
1- ചൂർണിക / കേവലവാക്യം
കേവലം ഒരു ആശയത്തെ കുറിക്കുന്ന വാക്യം
അവൻ സ്കൂളിൽ പോയി
അമ്മയെ കണ്ടു..
2- സങ്കീർണവാക്യം
ഒരു അംഗിവാക്യവും ഒന്നോ അതിലധികമോ അംഗവാക്യവും ചേർന്നതാണ് സങ്കീർണവാക്യം
ഉദാ. അധ്യാപകൻ ഉപദേശിച്ചിട്ടും അവൻ പഠനം പൂർത്തിയാക്കിയില്ല..
3- മഹാവാക്യം
തുല്യ പ്രാധാന്യമുള്ള ഒന്നിലധികം അംഗി വാക്യമുള്ള വാക്യമാണ് മഹാവാക്യം
ഉദാ പ്രധാനമന്ത്രി കേരളം സന്ദർശിക്കുകയും സഹായങ്ങൾ വാഗ്ദാനം ചെയ്യുകയും ചെയ്തു.
No comments:
Post a Comment